Fundacion pa Hende Muhe den Dificultad

                Stichting  “Fundacion pa Hende Muhe den Dificultad”
                 (FHMD)  funda dia 24 di November 1995 na Aruba

Violencia familiar y contra hende muhe ta mundialmente un problema creciente. E idea pa crea un organisacion pa duna yudansa na hende muhe cu a wordo maltrata, a bini di sra. M.A. (Dora) Koolman-Croes, casa di Gobernador di Aruba e tempo ey. November 24, 1995 a lanta " Fundacion pa Hende Muhe den Dificultad ", mirando cu dia 25 di November ta e dia cu Nacionnan Uni a decreta como: Dia Internacional pa Eliminacion di Violencia contra Hende Muhe.

Directiva di e Fundacion ta consisti di 9 miembro. Actualmente e directiva ta como lo siguiente:
Presidente                       :  sra. J.I. Spellen
Vice-Presidente              :  sra. H.A. Chapman-Cham
Secretario                       :  sra. M. Vrolijk-Winklaar
Tesorero                         :  sra. D.L. Werleman-de Kort
Miembro                        :  sra. B.G.M. Booi-Staring
Miembro                        :  sra.  mr. F.E.E. Tjon Ajong
Miembro                        :  sra.  Sigrid B. Torres
Miembro                        :  sra. A. T. Muller
Miembro                        :  sra. S. de L’Isle

Meta di e Fundacion ta:
 pa mehora e situacion di hende muhe na Aruba en general;
 combati violencia den famia, especialmente contra hende muhe;
 duna ayudo den situacionnan di maltrato y violencia domestico. 

Pa logra e metanan aki e Fundacion ta:

 traha riba concientisacion di comunidad riba e problematica di violencia contra hende muhe dunando hopi informacion, charlanan, organisa workshop y seminario
 creando un "network" di trabou, pa di e forma aki e yudansa lo ta mas optimal posibel
 promove leynan nobo y/of cambio di leynan existente.
 lanta y mantene un cas di socorro pa hende muhe cu a wordo maltrata
 busca y mantene contacto local e internacional pa keda bon informa di ley, estudio y formanan nobo di proceder den asunto di hende muhe en general y di violencia domestico.

E prome ofisina di FHMD tabata situa na Wayaca 33, Aruba.  Na mei 2000 FHMD, cu yudansa financiero di Sede Aruba, a logra cumpra su propio edificio na Primavera 1-B, na unda fundacion su ofisina ta situa te awe.
Na e oficina hende muhenan den necesidad ta wordo yuda pa 2 trahado social, profesionalnan den ramo di yudansa den casonan di violencia domestico. Un hende muhe den un caso di maltrato y violencia por wordo yuda cu alohamiento temporal y wordo protehi contra di mas violencia. FHMD tin un cas di socorro special pa casonan asina.     E hende muhe por wordo aloha cu su yui (nan). E yudansa cu nos ta brinda ta principalmente y na prome lugar pa hende muhe; alohamento ta pa un maximo di 3 luna.

Pa mas información por acudi na ofisina di FHMD.

Direccion di e oficina ta : Primavera 1-B
Telefon: 583 5400
Fax: 582 5532
Orario:  8 a.m. - 12 p.m.
           1 p.m. - 5 p.m.