Pakiko un campaña di strik biña ?
E meta di e campaña di strik biña ta : 1. pa spierta tur hende riba e persistencia di e abuso/violencia contra hende muhe ; 2. pa recorda tur e hende muhenan kende a muri violentamente y tur e milesnan cu ta sigui biba den abuso ; 3. pa recorda e diescuatro muhenan cu a muri na Montreal riba 6 di december 1989; 4. pa genera fondo pa continua e trabou dirigi riba e abuso contra hende muhe.
Ki tempo y ken ta organisa e campaña strik biña ? E campaña di strik biña a cuminza na 1990 pa e Coalicion di Accion di Hende Muhe di Nova Scotia, Canada. E ta un projecto di Transition House Association of Nova Scotia (902) 429-7287 cu ayudo di un Comision Consehero den Comunidad. Hopi hende den e provincia a duna nan tempo liber pa sigura un destribucion amplio di e striknan. Cada aña e campaña ta crece cu cada bes mas hende muhe, hende homber y hobennan bendiendo e striknan. E campaña di strik biña ta algo unico di Nova Scotia. Rond mundo hopi pais a acepta e strik biña como simbolo, e lucha di hende muhe.
Pakiko e color biña ? Ya for di basta tempo e color biña ta e color di e actividadnan di hende muhe cu a cuminsa cu esnan cu a muri pa derecho di voto di hende muhe y el a keda simbolo di dolor y sufrimento. Ta bisti e strik biña dia 25 di november te cu dia 10 didecember.
Pakiko november 25 te december 10 ? Entre november 25 y december 10 gruponan di hende muhe rond mundo ta organisa eventonan publico y actividadnan como parti di e campaña internacional di 10 dia di Actuacion Contra Violacion di Sexo. Dia 25 di november ta e dia internacional di Violencia Contra Hende Muher declara pa e prome Encuentro Feminista pa America Latino y Caribe na Bogota, Ciolombia na 1981. Dia 6 di december ta Canada su dia Nacional pa Conmemora y Actua riba Violencia Contra Hende Muhe y riba 10 di december ta celebra e aniversario di e Declaracion Universal di derechonan Humano, proclama na 1948.
Hende homber lo por bisti un strik biña ? Si. Bisti un strik biña ta un oportunidad pa hende homber, igual cu hende muhe, pa recorda y reconoce violencia contra hende muhe y pa asina duna aporte na e trabou dirigi riba violencia contra hende. Patrocina pa : Comision Consehero Campaña di Strik Biña (transition House Association of Nova Scotia).
|